البطبوط بحشوة الكفتة المعتمدة عندي في افطار رمضان 
واللي تعجب الصغير قبل الكبير
من بعد تحضير عجينة البطبوط وطهي ديالو بالطريقة المعتادة 
ناخد  بصلة مشلظة نشحروها فشوية الزيت ,نضيف الكفتة وشوية ابزار تحميرة خرقوم بلدي والربيع مقطع 
ثم فلفلة مشوية ومقطعة ممكن تستعمليها بالالوان 
والزيتون مقطع وخا ماستعملتوش هنا 
من بعد ماطيب الكفتة نضيف ليها المورتديلا او كاشير محكوك والبيض والفرماج محكوكين 
هنا استعملت بلوك من لافاش كيري كيجي زوين 





نخلط الحشوة مزيان ونعمر بيها البطبوط 
وباش يذوب لينا الفروماج ندخلوه الفران 
او انستعملوه في البانيني وبالهنا والشفا